Депутат Дастан Бекешев аталган мыйзам долбоорунун демилгечиси болду.
Мурда бул долбоор экинчи окууда кайрадан каралып чыгуу үчүн кайтарылган.
Мыйзам долбоорунун негизги максаты инвалиддердин укуктарынын корголушунда Кеңештин ролун күчөтүү менен бирге, Министрлер Кабинетине баш ийген Кеңештин ишин жөнгө салуу болуп саналат.
Мыйзам долбоорунун алкагында Кеңештин ишмердүүлүгү үчүн укуктук нормаларды белгилөө жана инвалиддердин укуктарын камтыган нормативдик актыларды даярдоого катышууга мүмкүнчүлүк берүү пландалууда.
Мындан тышкары, комитет мыйзам долбоорунун аталышын «Инвалиддердин укуктары боюнча Кеңештин маселелери боюнча мыйзам актыларына өзгөртүүлөрдү киргизүү тууралуу» деп өзгөртүү чечимин кабыл алды.
