Текшерүү комиссиясын архитектуралык-курулуш контролунун директору Эрназарбек Суеркулов жетектеп, "Манас" жана "Раян" турак жай комплексин текшеришти. Комиссия учурдагы абалды жана жүргүзүлүп жаткан иштердин сапатын, долбоордук документацияга ылайыктыгын, бардык керектүү уруксаттардын болушун, курулуштардагы жумушчулардын санын, ошондой эле компаниянын уставдык капиталынын көлөмүн жана үлүш ээлеринин кайрылууларын баалады.
Текшерүүнүн жыйынтыгы боюнча көрсөтүлгөн объектилерде курулуш улантылып жатканы аныкталды. Компаниянын өкүлдөрү бардык иштер аякталат жана объектилер 2026-жылдын сентябрына чейин тапшырылат деп ишендиришти.
Ошондой эле министрдин көрсөтмөсү боюнча, бул курулуш иштер министрликтин туруктуу көзөмөлүндө болот деп маалымдалууда.
