Маданият министрлигинин басма сөз кызматы билдиргендей, капиталдык оңдоп-түзөөнүн негизги максаты Dolby Atmos форматындагы заманбап профессионалдык үн студиясын түзүү. Бул үч өлчөмдүү үн технологиясы глобалдык киноиндустрияда эң заманбап технологиялардын бири болуп саналат.
Бул долбоордун ишке ашырылышы жергиликтүү кино өнөрпоздоруна эл аралык стандарттарга жооп берген фильмдердин үн дизайнын жогорку деңгээлде камсыздоого мүмкүндүк берет, ошондой эле улуттук жана эл аралык кино долбоорлор үчүн постпродакшн мүмкүнчүлүктөрүн кеңейтет.
Маалыматта, ошондой эле, долбоор кыргыз кино өнөрүнүн атаандаштык жөндөмдүүлүгүн жакшыртууга, жергиликтүү кино продукциясынын экспорттук потенциалын жогорулатууга жана чет өлкөлүк өнөктөштөрдү тартууга көмөктөшөөрү белгиленген.
Бул долбоор креативдүү индустрияларды өнүктүрүүгө жана маданий мекемелердин материалдык-техникалык базасын жакшыртууга багытталган мамлекеттик саясаттын алкагында ишке ашырылууда.
Долбоордук иштер аяктагандан кийин үн монтаждоо цехинин имаратын реконструкциялоо боюнча этап-этабы менен план иштелип чыгат, ошондой эле студияны заманбап профессионалдык жабдуулар менен жабдуу пландалууда.
