Визиттин максаты фабриканын экинчи этапын куруу боюнча инвестициялык долбоордун ишке ашырылышы менен таанышуу болду. Долбоорго салынган инвестициялардын жалпы суммасы, баштапкы жана кийинки этаптарды кошкондо, $40 миллионду түзөт.
Экинчи этаптын алкагында төмөнкү иш-чаралар пландалууда:
- бардык өндүрүш кубаттуулугун кеңейтүү;
- кошумча тигүү цехтерин куруу;
- заманбап боёк цехин ачуу.
Бул этаптын ишке ашырылышы текстиль кездемесин жасоодон баштап даяр продукцияны тигүүгө чейинки толук өндүрүш циклын уюштурууга мүмкүндүк берет. Бул текстиль импортуна болгон көз карандыны азайтып, өндүрүштүн локализация деңгээлин жогорулатат.
Фабриканын кеңейиши 600дөн ашык жаңы жумуш орундарын түзүүгө алып келет, бул Кара-Суй районунун жана Ош облусунун экономикалык өнүгүүсүнө маанилүү салым болуп саналат.
Равшанбек Сабиров бул долбоордун Кыргызстандагы жеңил өнөр жайын өстүрүү үчүн маанилүүлүгүн белгилеп, мамлекеттин региондорду өнүктүрүү жана жумуш орундарын түзүү боюнча инвестициялык демилгелерди колдоого даяр экенин билдирди.
Фабрика 2024-жылы ачылганын жана толук кубаттуулукка чыккандан кийин продукциясын Жакынкы Чыгышка, Түндүк Африкага, Европалык Союзга жана ТМДга экспорттоону пландап жатканын белгилеп кетүү керек.
