2-февралга карата ТЭЦтин орточо кубаттуулугу 455 мегаваттты түзөт. Күн сайын берилген жылуулук энергиясынын көлөмү 9 285 гигакалорияга жетет, ал эми электр энергиясынын өндүрүшү 10 925 киловатт-саат. Иш процессинде күнүнө 7 831 тонна көмүр жана 368 миң нормалдуу куб метр газ колдонулат.
Станцияда 15 котлоагрегат жана 7 турбоагрегат орнотулган, ошондой эле 3- жана 4-энергоблоктору иштеп жатат.
Учурда 9 котлоагрегат, 4 турбоагрегат жана эки энергоблок эксплуатацияда.
2025/2026-жылдардагы жылуулук сезонуна даярдык көрүү алкагында электр жана жылуулук энергиясын ишенимдүү берүү үчүн 1,4 миллион тонна көмүр жеткирүү пландалууда. Жеткирүү графиги учурдагы жылуулук сезону толук аяктаганга чейин иштейт.
2-февралга карата ТЭЦтин кампасындагы көмүрдүн калдыгы 204 537 тоннаны түзөт, бул станциянын азыркы жылуулук мезгилинде туруктуу жана үзгүлтүксүз иштешин камсыз кылат.
Бишкектин ТЭЦи стабилдүү режимде иштеп жатат, калкты жана ишканаларды ишенимдүү энергия менен камсыздоо үчүн бардык зарыл чараларды көрүүдө.
