КР Саламаттык сактоо министрлигинин пресс-борборунун сүрөтү
Пресс-борбордун маалыматына ылайык, жолугушуу учурунда тараптар бир нече негизги темаларды көтөрүштү. Алардын арасында баштапкы медициналык-санитардык жардамды өнүктүрүү, кадрдык потенциалды жогорулатуу, саламаттык сактоону цифрлаштыруу, кырсыкка даярдык, ошондой эле антимикробдук туруктуулук жана психикалык ден-соолукка байланыштуу маселелер бар.
Ошондой эле, ДСУ тарабынан берилген сунуштар жана техникалык экспертиза Кыргызстанда улуттук программаларды жана саламаттык сактоо тармагындагы тиешелүү мыйзам актыларын түзүүдө активдүү колдонулуп жатканы белгиленди.
Каныбек Досмамбетов 2024-2030-жылдарга карата ДСУ менен кызматташтык стратегиясынын маанилүүлүгүн белгилеп, аны саламаттык сактоо системасынын актуалдуу приоритеттерине жана милдеттерине ылайыкташтыруу зарылдыгын айтты.
Мындан тышкары, Кыргызстандын саламаттык сактоо тармагындагы эл аралык жана улуттук иш-чараларга катышуусу талкууланды, өлкө бул иш-чараларда активдүү катышууну пландаштырууда.
