Ал 4 миңден ашык кыргызстандык кырсык болгон жерге жөнөтүлгөнүн белгиледи.
«Быйыл 26-апрелде бул трагедиянын 40 жылдыгы белгиленет. 4 миңден ашык жараныбыз кырсыктын кесепеттерин жоюуга катышкан. Радиациянын таасиринен алардын ден соолугу жабыркаган. Учурда тирүү калган 800гө жакын адам бар, алардын көпчүлүгү майып», — деди депутат.
Акимбаева ошондой эле мамлекеттик мекемелер апрель айында эскерүү иш-чараларын уюштуруп, чернобыльчыларга жана алардын үй-бүлөлөрүнө социалдык колдоо көрсөтүшү керектигин белгиледи.
Мындан тышкары, ал Афганистандагы аскердик аракеттерге катышкан кыргызстандыктарга жардам берүүгө көңүл бурууга чакырды.
