Чектелген ден соолук мүмкүнчүлүктөрү бар балдардын ата-энелери, балдарын керектүү жардам алуу үчүн башка облустарга жиберүүгө мажбур болушууда. Борборду түзүү маселеси мэрияда эки жылдан бери талкууланганына карабастан, чечим азырынча табылган жок. Соңку шаардык кеңештин сессиясында бул маселе кайрадан көтөрүлүп, ата-энелер жеке мекемелерде каттоодон өтүүнүн финансылык чыгымдары боюнча өз тынчсызданууларын билдиришти.
Шаардык чиновниктердин айтымында, реабилитация борборун куруу үчүн жер участкаларынын же каражаттын жоктугу көйгөй эмес.
«Биздин шаарда жалгыз эле жеке логопед бар, мамлекеттик реабилитация борбору жок. Бул кырдаал жаңы эмес — биз анын чечилиши менен эки жылдан бери алектенип жатабыз. Участок бөлүнгөн, каражаттар да бар. Биз кадр маселелерин чечкенден кийин, курулушка киришип, объектти пайдаланууга беребиз. Специалисттерди тартуу жана штат түзүү үчүн Министрлик менен байланыш түзүү керек. Бул маселе чечилгенден кийин, биз курулушка киришебиз», - деди вице-мэр Ильяз Бабаев.
Кызыл-Кие шаарында учурда 293 бала чектелген ден соолук мүмкүнчүлүктөрү менен жашап жатат.
