Глобалдык туруктуу өнүгүү максаттары боюнча саммитте Торобаев сөз сүйлөдү
Жакында өткөн Глобалдык саммитте өкмөттүн орун басары Бакыт Торобаев тоо экосистемалары климаттын өзгөрүүлөрүнө эң уязвимдүү экенин белгиледи. Бул маалымат өкмөттүн маалымат кызматынан билдирилди.
Анын айтымында, "мөңгүлөрдүн эрип кетиши, жаан-чачындын режиминдеги өзгөрүүлөр жана экстремалдуу аба ырайынын көрүнүштөрүнүн жыштыгы суу ресурстарына, энергетикага жана айыл чарбасына, Борбордук Азияда жана анын чегинен тышкары, олуттуу узак мөөнөттүү коркунучтарды жаратууда".
Торобаев тоо өлкөлөрү жана региондорунун туруктуу өнүгүү үчүн өзгөчө зоналар катары таанылышын, климаттын өзгөрүшүнө каршы күрөшүү, адаптациялык технологияларга жана мониторинг системаларына каржылоого артыкчылык берүү керектигин айтты.
Бакыт Торобаевдин пикири боюнча, тоо аймактарынын туруктуулугу миллиондогон адамдардын суу жана азык-түлүк коопсуздугуна түздөн-түз таасир этет, бул болсо комплексдүү жана макулдашылган эл аралык инициативаларды талап кылат.
Өкмөттүн маалымат кызматынан алынган сүрөт
