Шаардык инфраструктуранын өнүгүшүн көзөмөлдөөгө чакырылган жергиликтүү архитекторлор курулуш бизнесинин өкүлдөрү менен келишим түзүшкөн. Ошто мыйзамсыз долбоорлорду макулдашуу себептүү кырдаал критикалык болуп калды: турак үйлөрдүн тапшыруу мөөнөттөрү узартылып, үлүшчүлөр нааразычылык билдиришүүдө, ал эми көчөлөрдө жол тармактарынын жүктөлүшү жана токтотуучу жайлардын жетишсиздиги себептүү тыгындар пайда болууда.
Кылмыш ишинин алкагында ГКНБнын кызматкерлери Ош шаарынын башкы архитекторунун биринчи орун басары Т.Ы.К. жана архитектура боюнча адис Т.З.М. кармалып, убактылуу кармоо жайына жайгаштырылды. Текшерүү уланууда жана атайын кызматтар региондогу курулуш тармагындагы коррупциялык кылмыштарга байланыштуу башка адамдарды аныктоо үчүн чараларды көрүүдө.
