Шаяхметов президенттин 2025-жылы күчүнө кирген жарлыгы менен Бишкек жана Ош шаарларында иштеген тез жардам дарыгерлери, ошондой эле хирургдар, педиатрлар жана алыскы аймактарда иштеген адистер үчүн жаңы айлык акы бекитилгенин белгиледи.
«Буга чейин биздин кызматта 210 вакансиянын 98и бош калган, бирок айлык 20 миң сомго көтөрүлгөндөн кийин бош орундардын саны 32ге кыскарды. Ошентип, дарыгерлердин жетишсиздиги кыйла азайды», — деп кошумчалады ал.
Эскерте кетсек, өткөн жылдын 25-декабрында Элдик курултайда өлкө президенти мугалимдер жана дарыгерлер үчүн айлык акыны 1-апрелден баштап көтөрүү тууралуу жарыялады.
Ошондой эле тез жардам медицина борборунун штаттык санынын көбөйтүлүшү боюнча пландар тууралуу маалыматтар берилген.
