- Тоо-Ашуу ашуусунда, Бишкек - Ош автожолунда, 11-февралдан 03:40та жүк ташуучу унаалар үчүн убактылуу чектөө киргизилди. Учурда кардын астындагы жолду тазалоо иштери уланууда.
- Соок ашуусунда, Барскоон - Ак-Шыйрак автожолунда, аба ырайы булуттуу, ал эми Чон-Ашуу ашуусунда, Каракол - Энилчек маршрутунда, кар жаап жатат. Өтүү ачык.
- Бишкек - Нарын - Торугарт трассасында, Долон, Чар, Ак-Бейит, Кубакы ашууларында, ошондой эле Боом капчыгайында, аба ырайы булуттуу, транспорттун кыймылы кечикпестен жүргүзүлүүдө.
- Отмок ашуусунда, Суусамыр - Талас - Тараз автожолунда, жүк ташуучу унаалар үчүн убактылуу чектөө сакталууда.
- 07:30да Альтернативалык автожолдун 198-кминде, Түндүк - Түштүк жолунда кайрадан 1 000 куб. м. көлөмдөгү кар көчкү түшүп калды. Өтүү убактылуу жабык, жеринде атайын кызматтар иштеп жатат.
- Кар көчкү түшкөндөн кийин Түндүк - Түштүк автожолунун Арал менен Казарман ортосундагы 243-кмден 296-кмге чейинки участокто тазалоо уланууда. Өтүү эки тарапка жабык.
- Кочкор - Арал - Тоо-Ашуу автожолунун 135-кмден 160-кмге (Арал - Кызыл-Ой участогу) тазалоо иштери аяктады, өтүү ачык.
