Ведомствонун маалыматына ылайык, мамлекеттик архитектуралык-курулуш контролунун департаменти өлкөнүн аймагындагы бардык курулуш объектилерин үзгүлтүксүз текшерип турат.
Мониторинг жүргүзүүнүн натыйжасында, Суванбердиева көчөсүндөгү 33-үйдө көп кабаттуу турак үйдү куруу учурунда, ошондой эле соода-экономикалык жайлар жана эки деңгээлдүү жер алдындагы авто токтотуучу жай пландалган, курулуш иштеринин уруксат документтери жок жүргүзүлгөнү аныкталды. Ошондуктан ОсОО «СК Эверест Групп» компаниясына мыйзам бузулууну жоюу үчүн керектүү документтерди берүү талап кылынган акт түзүлгөн. Мындан тышкары, компанияга 200 миң сом өлчөмүндө айып пул салынган», — деп айтылат расмий билдирүүдө.
Курулуш уюму Бишкек шаардык мамлекеттик архитектуралык-курулуш контролуна макулдашылган долбоор жана мамлекеттик экспертизанын оң жыйынтыгын берген эмес.
Уруксат документтеринин жоктугуна карабастан, компания колонналарды орнотуу жана диафрагманы түзүү сыяктуу курулуш-монтаждоо иштерин уланта берди. Бул аракеттер шаар куруу жана архитектура боюнча мыйзамды бузуу катары эсептелет.
Иштин материалдары Октябрь райондук сотуна жөнөтүлдү.
