Чыгымдар 127,1 миллиард сомду түздү, анын ичинен 110,3 миллиард сом пенсияларды төлөөгө жумшалды. 2024-жылга салыштырганда, пенсияларга болгон чыгымдар 14,9 миллиард сомго көбөйдү.
2025-жылдын 1-октябрына карата пенсиялардын камсыздандыруу бөлүктөрү индексацияланды, ал 10% га (600 сомдон кем эмес) көбөйдү. 50 миң сомдон ашык сумма алгандар үчүн кошумча 5 миң сом берилди.
2026-жылдын 1-январына карата өлкөдөгү орточо пенсия 11 миң 238 сомду түздү, бул өткөн жылга салыштырмалуу 766 сомго көп. Жалпысынан өлкөдө 816,6 миң пенсионер катталган.
2025-жылы пенсияларды төлөө кечиктирилбей жүргүзүлдү жана 2026-жылга карата төлөмдөр боюнча карыздар катталган жок.
Социалдык фонддун бюджети жылды 3 миллиард сомго жакын профицит менен жыйынтыктады, бул анын финансылык туруктуулугун жана бюджеттин тең салмактуулугун көрсөтөт.
