Бул долбоордун алкагында төмөнкү багыттар боюнча билим берүү стандарттарын бекитүү пландалууда:
- жалпы саламаттыкты сактоо боюнча бакалавриат жана магистратура;
- медициналык сестринство боюнча бакалавриат жана магистратура;
- акушердик иш боюнча бакалавриат жана магистратура;
- дарылоо иши;
- педиатрия;
- медико-профилактикалык иш;
- стоматология;
- фармация.
Билим берүү стандарттарын кайра карап чыгуу медициналык жана фармацевтикалык программаларды даярдаган жогорку окуу жайлары үчүн лицензиялык талаптардагы өзгөртүүлөр менен байланыштуу. Айрыкча, орто, жогорку, магистратурадан кийинки жана кошумча кесиптик билим берүү программалары үчүн клиникалык базаларга болгон талаптар жаңыланды.
Жаңы билим берүү стандарттарын түзүү президенттин медицина тармагында адистерди даярдоодо мамлекеттик монополияны киргизүү боюнча жарлыгынын негизинде мүмкүн болду.
