Ак калпак кийген жана желектерди кармап турган жаштар шаардагы негизги көчөлөр боюнча марш менен өтүштү. Иш-чаранын катышуучулары бул иш-чара мамлекеттик символдорго жана элдин маданий салттарына болгон урматты билдирет деп белгилешти.
Президенттин Баткен облусундагы ыйгарым укуктуу өкүлү Айбек Шаменов жергиликтүү тургундарды майрамы менен куттуктады. Ал Мамлекеттик желек кыргыз элдин тарыхын, маданий баалуулуктарын жана келечекке болгон үмүтүн символдойт деп белгиледи. Ак калпак болсо ата-бабалардан калган маанилүү мурас, акылмандыкты, тазалыкты жана ар-намысты билдирет.
«Биз ыйык желегибиздин астында биригип, ак калпакты сыймыктануу менен кийип, өлкөбүздүн кызыкчылыгы үчүн иштөөнү улантышыбыз керек», — деп баса белгиледи Айбек Шаменов.
Майрамдык программа жергиликтүү артисттердин чыгышы менен аяктады, алар көрүүчүлөрдү ырлар жана салттуу бийлер менен кубандырды.
