Вертолетти ижарага алуу үчүн 268 миң сом төлөнгөн. ӨКМ вертолет колониянын аймагына конбогонун түшүндүрдү.
«Вертолет учуп чыгып, мекеменин сыртында жайгашкан аянтка конду», — деп билдиришти ӨКМнин өкүлдөрү.
Социалдык тармактарда колониянын жанында вертолеттун учуп чыгышы тартылган видео да пайда болду.
Даниэль Ажиев быйыл февралда кечиримге алынган жана эркиндикке чыккан. Анын туугандарынын айтымында, бул Кыргызстан президентинин кечирим берүү тууралуу жарлыгынын негизинде мүмкүн болду.
Эске салсак, 2024-жылдын сентябрында Ажиев 220 миң сом өлчөмүндөгү айыппул жана мүлкүн конфискациялоо менен 9 жыл эркинен ажыратылган. Ал жезөкчүлүк үйүн уюштуруу, порнографиялык контентти таратуу жана мүлккө зыян келтирүү боюнча күнөөлүү деп табылган. Мындан тышкары, ага эки жыл бою ишкердик менен алектенүүгө тыюу салынган.
