КРнын эсептик палатасы 2024-жылга карата Эмгек, социалдык камсыздоо жана миграция министрлигинин финансылык отчетунда олуттуу кемчиликтерди аныктоо максатында аудит өткөрдү.
Аудит 2024-жылдын 1-январынан 31-декабрына чейин бюджеттин аткарылышын жана бюджеттик каражаттарды пайдаланууда мыйзамдардын сакталуусун текшерүү максатында жүргүзүлдү. Адистер министрликтин жана анын структуралык бөлүмдөрүнүн финансылык дисциплинасын жана бухгалтердик эсептин тактыгын баалашты.
Текшерүүнүн натыйжасында 36 миллион 560,3 миң сомго тең көптөгөн финансылык мыйзам бузуулар жана кемчиликтер аныкталды. Бул сумма ичинен 11 миллион 225,4 миң сом бухгалтердик эсептеги каталар менен байланыштуу. Аудит учурунда кемчиликтерди жоюу боюнча чаралар кабыл алынгандан кийин 2 миллион 12,4 миң сомду калыбына келтирүүгө жетишилди.
Аудит процессинде эсеп жүргүзүү тартибинде, негизги каражаттарды кабыл алууда кемчиликтер жана бухгалтердик балансында айрым материалдык баалуулуктарды көрсөтпөө боюнча мыйзам бузуулар аныкталды. Ошондой эле, мамлекеттик жөлөк пулдарды мыйзамсыз белгилөө жана төлөө, ошондой эле бюджеттик каражаттарды максатсыз пайдалануу учурлары табылды. Аудиттин натыйжасында аныкталган кемчиликтерди жоюу үчүн бухгалтердик эсепте тиешелүү өзгөртүүлөр киргизилди.
Аудиттин натыйжасында аныкталган мыйзам бузууларды жоюу, финансылык дисциплинаны жакшыртуу жана бюджеттик каражаттарды пайдаланууну оптималдаштыруу боюнча сунуштар берилди.
Сүрөт www
