Ал аскер кызматкерлерине жана укук коргоо органдарынын кызматкерлерине мамлекеттик ипотека боюнча компенсациялар каралганын белгилеп, медициналык кызматкерлер жана педагогдор үчүн ушундай эле механизмди киргизүүнү сунуштады.
Президент Садыр Жапаров жакынкы убакта 1 050 батирди Улуттук коопсуздук мамлекеттик комитетинин, Коргоо министрлигинин, Мамлекеттик күзөт кызматынын жана Ички иштер министрлигинин кызматкерлерине бөлүштүрүү пландалып жатканын айтты.
«Бул этап аяктагандан кийин биз дарыгерлерге батирлерди берүү процессин баштайбыз. Айрыкча, Бишкекте медиктер үчүн 1 000 батир берүү пландалууда. Мындан тышкары, жаңы турак жай комплекстерин пайдаланууга берүүдөн кийин билим берүү жана саламаттык сактоо кызматкерлерине 100-200 батир бөлүнөт», - деп кошумчалады президент.
