Талкууланган темалардын арасында өлкөнүн саламаттык сактоо мекемелерине медициналык буюмдарды, дары-дармектерди жана жабдууларды сатып алуу жана жеткирүү боюнча жүргүзүлүп жаткан иштер, БУУнун Өнүктүрүү программасынын колдоосу менен улантылып жатканы белгиленди. Учурда медициналык мекемелерди убагында камсыздоо үчүн зарыл болгон сатып алуу иш-чараларынын комплекси жүргүзүлүүдө.
Ошондой эле, биргелешкен программалардын алкагында медициналык продукциянын жеткирүү этаптары жана логистикалык маселелерге көңүл бурулду.
Зарыл документтерди даярдоо үчүн улуттук эксперттерден турган жумушчу топ түзүлдү, анткени биринчи арыз берүү терезеси июнь айынын башында ачылышы пландалууда. БУУнун Өнүктүрүү программасы, бир катар программалардын аткаруучу агенттиги катары, арыздарды даярдоо жана гранттык иш-чараларды ишке ашырууда эксперттик жана техникалык жардам көрсөтүүнү улантат.
Жолугушуунун жыйынтыгы боюнча тараптар коомдук саламаттык сактоо программаларынын туруктуулугун камсыздоого, анын ичинде туберкулез жана ВИЧ менен күрөшүүгө, ошондой эле дары-дармектер менен камсыздоо системасын бекемдөөгө багытталган мындан аркы кызматташууга даярдыктарын билдиришти.
