Жаңы долбоор үчүн 30 гектар жер бөлүндү
Бишкектин четинде Кыргыз-Россия славян университетинин (КРСУ) жаңы кампусун куруу пландалууда. Бул тууралуу окуу жайдын ректору Сергей Волков билдирди.
Бул долбоорду ишке ашыруу үчүн Кыргызстан борборунда 30 гектар жер бөлүнгөн. Учурда долбоор Россия Федерациясынын Госдумасында ратификациялоо процессинен өтүүдө.
Кыргыз тарап жер участкаларын каттоо жана керектүү инженердик коммуникацияларды туташтыруу маселелерин чечиши керек. Курулуштун каржылоосун россиялык тарап өзүнө алат.
Долбоор этап-этабы менен ишке ашырылат: биринчи этап 2026–2028-жылдарга пландалган, экинчи этап 2028–2030-жылдарга, ал эми үчүнчү этап 2030-жылдан 2032-жылга чейин.
сүрөт www
