Атап айтканда, медициналык тармакта экономикалык өнүктүрүү фондусунун колдоосундагы инфраструктуралык инициативаларды ишке ашырууга басым жасалды. Ишке ашырылып жаткан долбоорлордун арасында Республика клиникалык инфекциялык ооруканасынын курулушу жана "Медициналык шаар" концепциясы боюнча Улуттук оорукананын жаңы корпусун модернизациялоого даярдыкка өзгөчө көңүл бурулду.
Министр медициналык кадрларды даярдоодо биргелешип иштөө маанилүүлүгүн белгиледи. Кыргыз адистери Korea Foundation for International Healthcare тарабынан колдоого алынган программалар боюнча, анын ичинде Lee Jong-wook Fellowship Program эл аралык программасы боюнча окутууга катышууда.
Кыргыз тарап Корея Республикасынан калкты колдоо жана өлкөдөгү саламаттык сактоону өнүктүрүү үчүн көрсөтүлгөн медициналык миссиялар жана гуманитардык жардам үчүн ыраазычылык билдирди.
Жолугушуунун жыйынтыгында эки тарап медициналык инфраструктураны өнүктүрүү, адистерди даярдоо жана саламаттык сактоо тармагында тажрыйба алмашууну улантууга ниеттеништи.
