Герой 1960-жылы Токтогул районунун Кызыл-Озгоруш айылында төрөлгөн. Кара-Кулда акыркы 40 жылдан бери жашап келет.
«Замуж чыккам Советское айылында. Ал кезде дүкөндө сатуу иши менен алектенгем, шаарга келгенде – биринчи балдар бакчасында (няня) тарбиячынын жардамчысы болуп иштедим, кийин тарбиячы болдум. Азыр бул балдар бакчасы «Келечек» деп аталат. Жакшы ишим үчүн беш жыл бою мага үй берилди, азыр ошол үйдө жашайм. Андан кийин СССРдин кулашы болду.
Эгемендик алгандан кийинки биринчи жылдарда ашпозчу болуп иштедим, өзүм бухгалтер жана кондитердик кесипти бүтүрдүм. Ошентип, Бишкекте 4 жыл ашпозчу болуп иштедим, 2006-жылы ошол эле багытта Алматыга кеттим. Кайтып келгенден кийин Бишкек–Ош трассасынын Чычкан аймагында «Озон» эс алуу борборунда 8 жыл иштедим. Андан кийин шаардагы кафелердин биринде иштедим, ал эми акыркы жылды үйдө эс алып жатам», - деди ал.
А.Асанбекова үч кыздын жана бир уулдун энеси. Ошондой эле 14 небереси жана 2 чөбөрөсү бар.
2017-жылы «Ак тилек» аттуу аялдар чыгармачылык тобу түзүлгөн, ал ошол топтун мүчөсү.
«Кызматташтарым менен концерт уюштурууну чечтик. Анда улуу эжем мага Курманжан даткага окшош экенимди айтты. Бул нерсени белгилеп, анын уулу асылган жеринен бир бөлүгүн аткардым. Ошол күндөн тарта шаардыктар окшоштукту байкашты жана менин адресиме жакшы пикирлер айта башташты. Бизди этно-комплекс Супаруга чакырганда, коноктордун бири мени карап: «50 сом» деди. [50 сомдук купюра Курманжан даткага арналган]. Курманжан датканын сүрөттөрүн табуу жана анын кийимин кийүү идеясы пайда болду. Кийинчерээк ар кандай иш-чараларга чакыруулар келе баштады. Өзгөчө кийимдеримде окшоштукту байкашат, ал эми жөнөкөй кийимде окшош эмес деп эсептешет», - деди Асылкан апа.
А.Асанбекова Курманжан датканын сүрөттөрүндөгүдөй кийимди атайын тигип алган.
«Курманжан датка орус генералы менен жолуккан учурдагы кийимди тигип алдым, уулу асылганда. Андан кийин анын бир сүрөтүндө норка жакасы бар кийим бар экенин көрдүм. Ошондой эле ушундай тигип алдым. Алайлык падыша образын жаратуу үчүн чынжырды да таптым.
Кызы менен Ташкентте, Самаркандда, Бухарада болдум. Украинадан, Россиядан, Өзбекстандан келген туристтер менин кийимдериме көңүл бурушту. Даже: «Курманжан датка, көрүнөт, жива» деп айтышты. Мен анын тукуму эмесминби деп сурашты. Мен да ага окшошуп калганым менен сыймыктанам», - деди ал.
Ал Курманжан датка образына окшош формадагы элечектин салмагы 4,5 кг экенин кошумчалады.
«Бул элечек үчүн 14 метр кездеме кетти. Мени Асылкан Асанбекова эжем тигип берди. Ал Ч.Айтматов атындагы балдардын чыгармачылык үйүндө иштейт. Салмагы оор болсо да, бул элечек түз отурууга жардам берет.
Жакында Асанбекова «Датка айым» наамын алды.
