Келишим долбоору боюнча сүйлөшүүлөрдүн акыркы раунду аяктады. Тараптар документтин негизги жоболорун макулдашып, анын акыркы версиясын бекитишти.
Имзаланган келишим Кыргызстан менен Австриянын ортосундагы аба байланыштарын жакшыртуу үчүн зарыл юридикалык шарттарды түзөт. Бул туруктуу рейстерди уюштуруп гана тим болбостон, жолаушылар жана жүк ташууларын көбөйтүүгө, ошондой эле бизнес, маданий жана туристтик байланыштарды тереңдетүүгө мүмкүнчүлүк берет.
Эскерте кетсек, 2025-жылдын 25-сентябрында Монреалда Кыргызстандын Жарандык авиация агенттиги менен Австриянын Инновациялар, мобилдүүлүк жана инфраструктура боюнча федералдык министрлигинин ортосунда авиацияны жөнгө салуу боюнча кызматташтыкты өнүктүрүүгө багытталган меморандумга кол коюлган.
