Укук коргоо органдарынын маалыматына ылайык, 21-январда РОВДга 1992-жылы туулган А.К. аттуу жаран арыз менен кайрылган. Ал Telegram группасындагы «Тему» деген алаяктар тарабынан алданганын айтып, өзүнүн каражатын көбөйтүүгө убада берип, 556 миң 819 сомду бир нече банк картасына өткөрүп берүүгө көндүргөнүн билдирген.
Бул окуя боюнча Кыргыз Республикасынын Кылмыш кодексинин электрондук төлөм каражаттарын, виртуалдык капчыктарды жана SIM-карталарды үчүнчү жактарга өткөрүү же сатуу боюнча беренеси боюнча кылмыш иши козголду.
Оперативдик иш-чаралардын жүрүшүндө 2005-жылы туулган Ж.Н. аттуу шектүү кармалып, тергөө органдарына жеткирилди. Тергөө натыйжасында жабырлануучу толук чыгымын кайтарып алууга жетишти.
Укук коргоо органдары жарандарды интернетте «жөнөкөй киреше» сунуштарына ишенбөөгө, шектүү шилтемелерден качууга жана банктык маалыматтарын үчүнчү жактарга бербөөгө чакырышат.
