Кыргыз Республикасынын Президентине караштуу Жол кыймылынын коопсуздугун камсыздоо боюнча мамлекеттик борбору, акысыз мөөнөтсүз айдоочулук күбөлүктөрдү алмаштыруу 31-мартта аяктаарын маалымдайт.
1-апрелден баштап алмаштыруу процедурасы 1 389 сомду түзөт. Жарандар 2023-жылдын 31-декабрына чейин медициналык маалымдаманы (083 формасы) көрсөтпөстөн, өз күбөлүктөрүн алмаштыра алышат.
«Унаа» мекемесинин маалыматына ылайык, акысыз күбөлүктөрдү алмаштыруу акциясы учурунда өлкө боюнча 335 миңден ашык документ жаңыртылган.
Өткөн жылы күзүндө мөөнөтсүз күбөлүктөрдү жок кылуу жана 10 жылга жарактуу жаңы күбөлүктөрдү киргизүү боюнча чара кабыл алынганын белгилеп өтүү керек. 2009-2012-жылдары берилген күбөлүктөр 2027-жылга чейин күчүндө болот.
Башында мөөнөтсүз күбөлүктөрдү алмаштыруу үчүн медициналык текшерүүдөн өтүү талап кылынган, бул медициналык мекемелерде чоң кезектердин пайда болушуна алып келген, андан кийин бул талап жокко чыгарылган.
