Кабминдин маалымат кызматынын билдирүүсүнө ылайык, иш-чарага ар кандай мамлекеттик структуралардын өкүлдөрү, ошондой эле эл аралык жана бейөкмөт уюмдардын өкүлдөрү катышты.
Кабминдин сүрөтү
Жыйында майып балдарга колдоо көрсөтүү боюнча докладдар сунушталды, ошондой эле майыптыктын алдын алуу жана өзгөчө муктаждыктары бар балдар үчүн инклюзивдик билим берүүнү киргизүү маселелери талкууланды.
Эрте диагностикалоо үчүн скрининг методдорун киргизүү жана алардын ар кандай региондордогу жеткиликтүүлүгү боюнча маселелерге өзгөчө көңүл бурулду.
Ошондой эле катышуучуларга 2026-жылдан 2030-жылга чейин өзгөчө психофизикалык муктаждыктары бар адамдарды психологиялык-медициналык-педагогикалык колдоо үчүн шарттарды түзүүгө багытталган иш-чаралар планынын концепциясы сунушталды.
«Өзгөчө муктаждыктары бар балдардын укуктарын камсыздоо жана жашоо сапатын жакшыртуу — бул негизги маселелердин бири, жана мамлекет ар бир баланын келечеги үчүн жоопкерчилик алат», — деди Эдиль Байсалов.
Жыйынын жыйынтыгы менен сунуштар иштелип чыгып, бул тармактагы мамлекеттик саясатты жакшыртуу үчүн кийинки кадамдар аныкталды.
