Декабрдын башында Бишкекке UWWнин президенти Ненад Лалович келип кетти.
«Биз 2026-жылы чоңдор арасында Азия чемпионатын өткөрүү укугун алдык. Мындан тышкары, 2027-жылы 20 жашка чейинки спортчулар жана ардагерлер үчүн эки дүйнө чемпионатын өткөрүүнү сурадык», — деп тактады федерациядан.
UWWнын расмий сайтындагы маалыматка ылайык, 2027-жылдагы дүйнө чемпионатына (U-20) талапкерлер катары Албания, Болгария жана Сербия көрсөтүлгөн. Ошол эле учурда ардагерлердин дүйнө чемпионатын өткөрүү үчүн Хорватия жана Монголия талапкер болуп жатат.
Кыргызстан 2026-жылы (U-20) дүйнө чемпионатын өткөрүү үчүн өз талапкерлигин сунуш кылганын белгилеп кетүү керек, бирок бул иш-чара АКШга берилген.
Учурда Кыргызстан эч бир жаш категориясында күрөш боюнча дүйнө чемпионаттарын өткөргөн эмес.
