Корниловдун айтымында, спортчу азыр белине операциядан кийин реабилитациядан өтүп жатат.
Архивден алынган сүрөт. Дүйнө чемпиону Дмитрий Бивол
Менеджер Биволдун рингге кайтуусу март же апрель айларында күтүлүп жатканын да билдирди. Мүмкүн болгон каршылаштардын бири катары IBF версиясы боюнча милдеттүү талапкер Майкл Эйферт каралууда. Андан кийин Бивол кийинки жылдын экинчи жарымына чоң жекпе-жек пландап жатат — Артур Бетербиев менен үчүнчү беттеш.
Эскерте кетсек, 2025-жылдын февралында боксчулар Эр-Риядда (Саудия Аравиясы) реванш өткөрүшүп, анда Бивол көпчүлүк судьялардын чечими менен жеңишке жетип, полутяжелый салмакта абсолюттук дүйнө чемпиону болду.
Алардын ортосундагы биринчи беттеш 2024-жылдын октябрында болуп, анда дагы Бетербиев көпчүлүк судьялардын чечими менен жеңишке жеткен. Анын эсебинде 21 жеңиш (20 нокаут менен) жана 1 жеңилүү бар, ал эми Биволдун эсебинде 24 жеңиш (12 нокаут менен) жана 1 жеңилүү бар.
