Кышкы Олимпиада 6-февралдан 22-февралга чейин Милан жана Кортина-д’Ампеццо шаарларында өтөт. Мамлекеттик командага эки спортчу кирет.
Спорт агенттигинин маалыматына ылайык, «формалар эл аралык стандарттарды эске алуу менен иштелип чыккан, бул комфортту жана коопсуздукту камсыз кылат, ошондой эле спортчуларга мелдештерде жогорку натыйжаларга жетүүгө жардам берет».
Параддык форма ак түстө, расмий иш-чаралар үчүн арналган, ал эми машыгуу формасы кара көк түстө. Параддык комплектке салттуу баш кийим — ак калпак кирет.
«Спорттук жана параддык формаларды түзүү демөөрчүлөрдүн колдоосу жана Физкультура жана спорт агенттиги менен Кыргызстандын Улуттук Олимпиада комитети арасындагы келишимдин негизинде мүмкүн болду», — деп белгилешти мекемеден.
Кыргызстандык спортчулар тоо лыжасы жана лыжа жарыштары боюнча мелдештерге катышат.
