Бул жылы команда экинчи дивизиондун В тобунда чыгат. Иш-чара 6-апрелден 12-апрелге чейин Болгариянын борбору Софияда өтөт жана алты команданы чогултат.
Кураманын даярдыгы 18-мартта башталат.
Кыргызстандык хоккейчилердин атаандаштары Израиль, Исландия, Жаңы Зеландия, Болгария жана Тайвань командалары болот.
Биринчи орунду ээлеген команда экинчи дивизиондун А тобуна өтүү мүмкүнчүлүгүнө ээ болот, ал эми акыркы орунду ээлеген команда дивизиондон чыгып, үчүнчү дивизионго (А группа) өтөт.
Өткөн сезондо Кыргызстандын курамасы үчүнчү дивизиондун А тобунда Стамбулда (Түркия) өткөн турнире катышты. Кыргыз хоккейчилери биринчи орунду ээлеп, дүйнө чемпиону наамын алышты.
