Айсулуу 2025-жылдын январь айында турмушка чыкты. Анын жолдошу Бакберген Абдымиталипов, ал да күрөшчү жана Талас облусундагы Красный Октябрь айылынан.
2025-жылдын октябрь айында спортчу Дүйнөлүк күрөш биримдигинин (UWW) рейтингинен чыгарылды. Париж Олимпиадасында үчүнчү орунду ээлегенден кийин, Айсулуу спорттук карьерасын убактылуу токтотуу чечимин кабыл алды. Андан кийин ал Кыргызстан күрөш федерациясынын вице-президенти болуп шайланды жана жакында UWW спортчулар комиссиясынын мүчөсү болду.
2024-жылдын жыйынтыгы боюнча Тыныбекова 62 кг салмак категориясында дүйнөлүк рейтингде үчүнчү орунда турган, бирок апрель айында өткөн Азия чемпионатынан кийин анын позициясы бешинчи орунга түшүп калды. Июнь айында ал жетиинчи орунду ээлеп, Хорватияда өткөн дүйнө чемпионатынан кийин тизмеден чыгарылды.
