10-декабрда Кыргызстандын курама командасы Азиянын жаштар Пара оюндарынын ачылышына катышты. Маданият жана спорт мамлекеттик агенттигинин маалыматына ылайык, иш-чара учурунда команда салтанаттуу парадда трибунадан өтүп, пара пауэрлифтинг боюнча курама команданын капитаны Азизбек Нарбаев өлкөнүн мамлекеттик туусун көтөрдү.
Азиянын жаштар Пара оюндары 14-декабрга чейин уланат.
Кыргызстандан 20 спортчу сегиз спорт түрүндө: сүзүү, таэквондо, жеңил атлетика, үстөл тенниси, пауэрлифтинг, голбол, армрестлинг жана бочча боюнча катышат. ```
