Montenegro Elite Cup мелдеши 15-марттан 21-мартка чейин Будвада өттү.
Аделя 57 килограммга чейинки салмак категориясында чыгыш жасап, мелдешти жарым финалдан баштады.
Жарым финалдын чечүүчү беттешинде кыргызстандык спортчу украиналык спортчуга 5:0 эсебинде ишенимдүү жеңишке жетишти, бирок финалда Сербиянын боксчусуна утулду.
Турнирдин жыйынтыгы боюнча Асылбек кызы финалдык протоколдо экинчи орунду ээлеп, күмүш медаль менен сыйланды.
Ошондой эле бул турнире Милана Шихшабекова жана Нурайым Осмонова катышты, бирок эки спортчу да баштапкы беттештерден өтө албай, сыйлык орундарын ала алышкан жок.
