Кыргыз футбол союзунун маалыматына ылайык, АФКнын Четвертьфиналдык жана Полуфиналдык беттештери Долон Омурзаков атындагы стадиондо өтөт.
1/4 финалдын алкагында 19-апрелде эки оюн пландалган: омандык клуб «Аль-Шабаб» кувейттик «Кувейт SC» менен, ал эми «Мурас Юнайтед» ливандык «Аль-Ансар» менен беттешет.
Бул оюндардын жеңүүчүлөрү 22-апрелде финалистти аныктоо үчүн жолугушат.
Финал «Түндүк» жана «Түштүк» зоналарынан мыкты командалардын ортосунда өтөт. Бул жылы ал «Түндүк» зонасындагы «Мурас Юнайтед» командасынын стадионунда өткөрүлөт.
Эскерте кетсек, башында оюндар март айына пландалган, бирок Жакынкы Чыгыштагы кыйын кырдаалдан улам АФК бардык оюндарды «Түндүк» зонасына жылдырды.
Бишкектеги оюндардын расписаниеси
1/4 финал, 19-апрель
15:00 «Аль-Шабаб» (Оман) - «Кувейт SC» (Кувейт)
20:00 «Мурас Юнайтед» - «Аль-Ансар» (Ливан)
