Иш-чарага Бишкек мэри Айбек Джунушалиев, Кыргыз Республикасынын Саламаттык сактоо министрлигинин өкүлдөрү, Жогорку Кеңештин депутаттары, ошондой эле Улуттук онкология борборунун жетекчи онкологдору катышты. Акцияга рак менен күрөшүп жеңишке жеткен аялдар жана азыркы учурда дарыланып жаткан аялдар да катышышты.
Иш-чаранын жүрүшүндө 100дөн ашык жаш дарак отургузулуп, "Тирүүчүлүк аллеясы" түзүлдү. Бул иш-чара "Жашоонун үчүн бирге" аттуу коомдук бирикмеси тарабынан уюштурулуп, "Розовый октябрь" деп аталган сүт безинин рагына каршы дүйнөлүк айга арналды.
Акция "ар кандай кыйынчылыктарга карабастан жашоону улантуу" деген күчтүү символизмди камтыйт. Күнгө умтулган жаш дарактардай, онкологиялык сыноолорду жеңген аялдар да жашоонун уланарын, үмүт, күч жана жарык келечекке умтулуу менен көрсөтүп жатышат.
