Россия Федерациясынын президенти Владимир Путин Россиянын элдеринин тилдери күнү жана жергиликтүү азчылыктар күнү деген эки жаңы эстелик күндү белгилөө боюнча жарлыктарга кол койду. Бул даталар эми расмий түрдө бекитилди.
Жергиликтүү азчылыктар күнү жыл сайын 30-апрелде белгиленет. Документке ылайык, бул күндүн максаты жергиликтүү элдердин салттуу жашоо образы, уникалдуу маданияты жана өнөрчүлүгүн колдоо жана сактоо болуп саналат.
Ошондой эле 8-сентябрда Россияда элдердин тилдери күнү белгиленет, бул өлкөнүн маданий жана тилдик ар түрдүүлүгүн баса белгилөө үчүн уюштурулган.
Жергиликтүү азчылыктар — бул этникалык топтор, алардын саны 50 миңден аз адамды түзөт жана алар өздөрүнүн тарыхый аймактарында жашап, салттуу жашоо обрасын сактап келишет. Расмий маалыматтарга ылайык, Россияда мындай элдердин 315 миңден ашык өкүлү бар. Алардын эң көп бөлүгү ненцилер — болжол менен 49,8 миң адам, негизинен Тюмень жана Архангельск облустарында жашашат.
