Атап айтканда, 286 миң жаран республикалык бюджеттен 51,7 миллиард теңге (жакынча 8,7 миллиард сом) өлчөмүндө бала төрөлгөндө жөлөкпул алган. 2025-жылдын октябрь айында 28,5 миң адам 5,2 миллиард теңге (жакынча 878 миллион сом) өлчөмүндө жөлөкпул алган. Бул төлөмдөргө Казакстандын жарандары, кандастары, ошондой эле өлкөдө төрөлгөн же асырап алынган балдары бар чет элдиктер укуктуу.
Жөлөкпулдардын өлчөмү 2025-жылы 3 932 теңге (же 665 сом) болгон МРПдан көз каранды, жана жыл башынан бери 6,5%га көбөйтүлгөн.
Бала төрөлгөндө берилүүчү жөлөкпулдар:
- 149 416 теңге (38 МРП, жакынча 25 миң сом) биринчи, экинчи жана үчүнчү бала үчүн;
- 247 716 теңге (63 МРП, жакынча 42 миң сом) төртүнчү жана кийинки балдар үчүн.
- 22 648 теңге (5,76 МРП, жакынча 3 800 сом) биринчи бала үчүн;
- 26 777 теңге (6,81 МРП, жакынча 4 500 сом) экинчи бала үчүн;
- 30 866 теңге (7,85 МРП, жакынча 5 200 сом) үчүнчү бала үчүн;
- 34 995 теңге (8,9 МРП, жакынча 6 000 сом) төртүнчү жана кийинки балдар үчүн.
Кыргызстанда кандай жөлөкпулдар бар?
Кыргызстанда 16 жашка чейинки аз камсыз болгон үй-бүлөлөр үчүн "Үй-бүлөгө көмөк" деген ай сайын берилүүчү жөлөкпул каралган, анын кирешеси адам башына минималдык кепилденген кирешеден (1 000 сом) төмөн. 2025-жылы бул жөлөкпулдун өлчөмү 1 200 сом.Эмгек, социалдык камсыздандыруу жана миграция министрлиги "Үй-бүлөгө көмөк" жөлөкпулун 25%га — 1 200 сомдон 1 500 сомго чейин, ал эми минималдык кепилденген кирешени 100%га — 1 000 сомдон 2 000 сомго чейин көбөйтүү сунушу менен мыйзам долбоорун иштеп чыкты.
Кыргызстанда бала төрөлгөндө "Балага сүйүнчү" жөлөкпул 4 000 сом өлчөмүндө каралган, ал эми үч жана андан көп бала бир учурда төрөлгөндө — ар биринин 50 000 сом.
2026-жылдын 1-январынан тартып, тоолуу жана жеткиликтүү эмес аймактарда жашаган көп балалуу энелер үчүн "Бала Береке" деген бир жолку төлөмдү киргизүү пландалууда, анын өлчөмдөрү төмөнкүлөр:
- 100 000 сом төртүнчү бала үчүн;
- 600 000 сом бешинчи бала үчүн;
- 800 000 сом алтынчы бала үчүн;
- 1 000 000 сом жетинчи бала үчүн;
- 1 200 000 сом сегизинчи бала үчүн;
- 1 500 000 сом тогузунчу бала үчүн;
- 2 000 000 сом (эки миллион) онунчу жана кийинки балдар үчүн.
