Маалымат журналист Кейтлин Дорнбос тарабынан жарыяланды.
[media=https://twitter.com/CaitlinDoornbos/status/1994579218446127469?ref_src=twsrc%5Etfw]
Өз билдирүүсүндө Ермак: "Мен фронтко барам жана кандайдыр бир кесепеттерге даярмын. Мен адилеттүү жана ыймандуу адаммын... Мени уят кылышты, жана менин кадыр-баркымды коргогон эч ким жок, мен 2022-жылдын 24-февралынан бери Киевдебин. Мен Зеленскийге көйгөй жаратууну каалабайм, ошондуктан фронтко барам. Менин дарегиме айтылган жалган сөздөр жана чындыкты билгендерден колдоо жоктугу мени кыжырдантат".
Андрей Ермак.
Ал фронтко качан жана кандай жол менен барууну так айткан жок.
Эскерте кетсек, 28-ноябрда Украина президенти Владимир Зеленский Ермакты кызматтан алуу тууралуу жарлыкка кол койгон. Бул анын үйүндө жана жумуш ордунда коррупцияга каршы органдар тарабынан тинтүү жүргүзүлгөндөн кийин болду.
Мурда Ермак Украина делегациясы менен 29-30-ноябрда Майамига АКШнын өкүлдөрү менен сүйлөшүүлөр үчүн бармак деп күтүлгөн, бирок анын ордуна Украина Улуттук коопсуздук жана коргоо кеңешинин катчысы Рустем Умеров жана тышкы иштер министринин биринчи орун басары Сергей Кислица сапарга чыгышты.
