Бул маалыматты КР ИИМдин ГУОБДДсынан тастыкташты.
Маалыматтарга караганда, Чүй облусунун УОБДД кызматкерлери Орозовду Аламудун районунда алкоголдук мас абалда болуу шектөөсү менен токтотушкан. Медицина экспертиза анын организминде алкоголь бар экенин тастыктады. Ал видеодо сыра ичкенин мойнуна алды.
ГУОБДД КР ИИМден билдиришкендей, кошумча маалыматтар кийинчерээк берилет.
Ошол эле күнү, 15-декабрда, Бактияр Орозов министрлик кызматтан бошотулганы тууралуу маалымат тарады. Кыргызстандын президенти Садыр Жапаров тиешелүү жарлыкка кол койду, анда мындай чечим мамлекеттик кызматкерлердин кызматтык этика нормаларын бузганы үчүн кабыл алынганы көрсөтүлгөн.
