Кыргызстан президентинин басма сөз кызматы тарабынан берилген маалыматка ылайык, Бактияр Орозов мамлекеттик жана муниципалдык кызматкерлер үчүн белгиленген этикалык нормаларды бузганы үчүн илим, жогорку билим берүү жана инновациялар министри кызматынан бошотулду.
Кыргыз Республикасынын Конституциясынын 70-беренесинин 1-бөлүгүнүн 4-пунктуна, 71-беренесине, Кыргыз Республикасынын «Мамлекеттик жарандык кызмат жана муниципалдык кызмат жөнүндө» мыйзамынын 24-беренесинин 2-бөлүгүнүн 5-пунктуна жана 32-беренесинин 2-бөлүгүнө, ошондой эле Кыргыз Республикасынын Президентинин 2025-жылдын 4-июнундагы № 175 «Саясий мамлекеттик кызматтар, атайын мамлекеттик кызматтар жана саясий муниципалдык кызматтар жөнүндө» Указына ылайык, Бактияр Сайпидинович Орозов этикалык нормаларды бузганы үчүн илим, жогорку билим берүү жана инновациялар министри кызматынан бошотулду, деп айтылат билдирүүдө.
