Бул токтомго ылайык, Каржы министрлиги 2025-жылга республикалык бюджеттен төмөнкү муктаждыктар үчүн 132 млн 929 миң 200 сом бөлөт:
- 19 млн 239 миң 200 сом илим, жогорку билим берүү жана инновациялар министрлигине,
- 113 млн 690 миң сом Президенттин алдындагы Улуттук илимдер академиясына жөнөтүлөт.
Каржы министрлигине бул өзгөртүүлөрдү «2025-жылга жана 2026–2027-жылдардагы пландалган мезгилге Кыргыз Республикасынын республикалык бюджетине өзгөртүүлөрдү киргизүү жөнүндө» мыйзам долбоорун даярдоодо эске алуу тапшырылды. Ошондой эле, ведомство жаңы чакырылыштагы Жогорку Кеңештин профилдик комитетин аталган токтомдун аткарылышы жөнүндө маалымдоого милдеттендирилди.
Мындан тышкары, илим, жогорку билим берүү жана инновациялар министрлиги менен Улуттук илимдер академиясына бөлүнгөн каражаттарды максаттуу пайдаланууну камсыз кылуу тапшырылды.
