Визит учурунда консулдук кызматкерлер кыргызстандыктар менен жолугушуп, жергиликтүү мыйзамдардын сакталуусун талкуулашты жана миграциялык каттоонун процессин, ошондой эле сот чечимдерине каршы арыз берүү мүмкүнчүлүгүн түшүндүрүштү. Убактыча кармоо борборунда учурда 40 кыргызстандык жаран бар, алардын 15и жакынкы рейс менен мекенине кайтарылат.
Мындан тышкары, Генконсулдукка "Асбестовский" муниципалдык Ички иштер бөлүмүндө жаткан кыргызстандыктардан кайрылуулар келип түштү. Екатеринбургдагы убактылуу кармоо борборунун толуп кетишинин себебинен сегиз кыргызстандык ушул бөлүмгө которулду. Алардын баары да мажбурлап чыгаруу күтүп жатышат. Консул мекендештери менен жолугушууга уруксат берүү өтүнүчү менен бөлүмдүн администрациясына суроо жөнөттү, алар да жакынкы убакта Кыргызстанга жөнөтүлөт.
