Россия Федерациясынын Тышкы иштер министрлиги, Одинцово шаарындагы Горки-2 айылындагы мектепте болгон жашы жете элек жарандын трагедиялуу өлүмүнө байланыштуу Тажикстанга көңүл айтты. Тийиштүү билдирүү ведомствонун басма сөз кызматы тарабынан жасалган.
Россиянын Тышкы иштер министрлигинин расмий өкүлү Мария Захарова: "Биз Тажикстан тарапка, маркумдун үй-бүлөсүнө жана бул кол салуунун натыйжасында жабыркагандарга терең көңүл айтабыз. Россия тарабы Тажикстан менен болгон стратегиялык өнөктөштүк жана союздаштыкка мүнөздүү өз ара колдоо принциптерин карманат", - деп белгиледи.
Ошондой эле Захарова "ар бир адамдын өмүрү, обстоятелстволорго карабастан, баа жеткис" экенин баса белгиледи.
Ал россиялык жетекчилик бул окуяны иликтөөдө объективдүүлүктү камсыздоо үчүн бардык зарыл чараларды көрөрүн кошумчалады.
17-декабрда Тажикстандын Тышкы иштер министрлиги Успенская орто мектебинде окуган төртүнчү класстын окуучусунун өлүмүн айыптады. Ведомстводо Тажикстандын жарандыгы бар баланын жоголушуна байланыштуу көңүл айтылды.
Булак: gazeta.ru
