Министрликтин маалыматына ылайык, Екатеринбургдагы Кыргызстандын Генералдык консулдугунун өкүлдөрү Россиянын Ички иштер министрлигине караштуу чет элдиктерди убактылуу кармоо борборун зыярат кылышты. Учурда бул борбордо 40 кыргызстандык кармалып жатат. Консулдук кызматкерлер алардын менен жолугушууларды өткөрүп, зарыл юридикалык жардам көрсөтүштү.
Консулдуктун маалыматына ылайык, 15 кыргызстандык жакынкы убакта авиарейстер менен Кыргызстанга депортацияланат.
Мындан тышкары, текшерүү учурунда «Асбестовское» бөлүмүндө дагы сегиз Кыргызстандын жараны бар экени аныкталды.
Генконсулдукта Кыргызстандын жарандарынын чет өлкөдөгү мыйзамдуу укуктарын коргоо боюнча иштер улантыларын белгилешти.
