Кыргызстандыктарды укуктарын коргоо максатында, 16-декабрда Екатеринбургдагы КРнын Генералдык консулдугунун кызматкерлери Россиянын Ички иштер министрлигине караштуу чет өлкөлүк жарандарды убактылуу кармоо борборуна пландалган сапар уюштурушту.
КРнын Тышкы иштер министрлигинен билдиришкендей, кыргызстандыктар менен болгон жолугушууда жергиликтүү мыйзамдардын сакталуусу, миграциялык каттоо боюнча деталдар жана сот чечимдерине каршы арыз берүү мүмкүнчүлүктөрү талкууланган.
Учурда борбордо 40 кыргызстандык бар, алардын 15и жакынкы рейс менен мекенине кайтаруу пландалууда.
Ошондой эле Генконсулдукка «Асбестовский» муниципалдык Ички иштер бөлүмүндө жаткан КРнын жарандарынан кайрылуулар келип түштү. Консулдук кызматкерлери бул мекеменин өкүлдөрү менен ыкчам байланыш орнотууга жетишти.
Мындан тышкары, Екатеринбургдагы убактылуу кармоо борборунун толуп кетишине байланыштуу, күч менен чыгарылууну күтүп жаткан сегиз кыргызстандык бул мекемеде убактылуу жайгаштырылды. Ошондуктан, Генералдык консулдук бул жарандар менен жолугушууларды уюштуруу жана алардын кайтарылышы үчүн мүмкүнчүлүктөрдү сурап кайрылуу жөнөттү. Бардык зарыл процедуралар аяктагандан кийин, алар да жакынкы убакта Кыргызстанга жөнөтүлөт», - деп айтылат билдирүүдө.
