Адам соодасынын учурлары көбөйдү
10-декабрда Кыргызстандын Тышкы иштер министрлиги, Малайзиядагы элчилиги жана Таиланддагы ардактуу консулдугу менен кызматташып, Кыргызстандын жаранын Мьянма Бириккен Республикасынан эвакуациялады. Бул тууралуу Тышкы иштер министрлигинен билдиришти.
Алдын ала маалыматтар боюнча, аял жогорку айлык акы убада кылган алдамчыларга түшүп калган. Натыйжада, ал Мьянманын аймагында аскердик лагерде мыйзамсыз кармалып калган.
2025-жылы Мьянмадан 12 Кыргызстандын жараны мекенине кайтып келген.
Тышкы иштер министрлиги өлкөнүн укук коргоо органдары мыйзамсыз миграция каналдарын жана алдамчылык схемаларын жабуу боюнча активдүү иш алып барууда деп белгиледи. Ведомство ошондой эле кыргызстандыктарды эмгек миграциясында жана расмий эмес жумуш табуу булактарын колдонууда этият болууга чакырды.
Эгерде кандайдыр бир күмөн же суроолор пайда болсо, жарандарыбызга Кыргызстандын дипломатиялык жана консулдук мекемелерине дароо кайрылууга сунушталат.
Сүрөт www
