Москвадагы Ясенев көчөсүндө жарылуу болуп, натыйжада Орусиянын Куралдуу Күчтөрүнүн Башкы штабынын оперативдик даярдык башкармалыгын башкарып келген генерал-лейтенант Фанил Сарваров өлдү. Бул тууралуу РФнын Тергөө комитетинин билдирүүсүнөн маалым болду.
Тергөөнүн алкагында ар кандай версиялар текшерилип жатат, анын ичинде Украинанын атайын кызматтарынын бул кылмышка катышы болушу мүмкүн деген версия.
Тергөөнүн маалыматына ылайык, жардыруучу түзүлүш унаанын астына жашырылган. Shot телеграм-каналынын маалыматы боюнча, жарылуунун алдын ала себеби, Kia Sorento унаасы кыймылга келгенден кийин бир нече секунддан кийин ишке кирген колго жасалган түзүлүш болгон. Baza маалыматтарына ылайык, унаа болгону бир нече метр жүрүп, жарылуудан чыккан чачырандылар кеминде жети коңшу унааны зыянга учураткан.
Эзм: currenttime.tv
