Шаардык мэриянын маалыматына ылайык, жыйындар 17-22-октябрь күндөрү IV Элдик курултайды өткөрүү боюнча президенттин жарлыгынын алкагында өттү.
Первомай районунда 8 жыйын өткөрүлүп, 102 өкүл шайланды. Ленин районунда 15 жыйын болуп, 157 делегат шайланды. Свердлов районунда 13 жыйын өткөрүлүп, 111 делегат шайланды. Октябрь районунда 12 жыйын болуп, 130 өкүл шайланды.
Иш-чараларга райондун тургундары менен Бишкек шаардык кенешинин депутаттары катышты. Бишкек шаарындагы жергиликтүү коомчулуктун жыйыны 2025-жылдын 1-ноябрында пландалууда.
