Максимов Владимир Александрович

Максимов Владимир Александрович

График. 1939-жылы Фрунзе облусунун Чүй районундагы № 2 совхоздо төрөлгөн.

1959-жылы Фрунзе көркөм сүрөт училищесин, 1975-жылы - Москва полиграфия институтун аяктаган.

Орто мектепте сүрөт жана черчение мугалими, Ош облустук «Ленинский путь» газетасында жана «Комсомолец Киргизии» газетасында сүрөтчү болуп иштеген. 1966-жылдан баштап «Кыргызстан» жана «Мектеп» басмаканаларында китеп продукциясын дизайнына катышкан. 1969-жылы шрифт тармагында иштей баштаган.

Владимир Максимов сүрөт тартылган шрифт менен ондон ашык юбилейдик даректерди аткарган. Негизинен шрифт тармагында иштейт, жаңы шрифт гарнитураларын түзөт. Шрифттик иштеринде жогорку көркөм дөөлөт жана чеберчилик көрсөтөт. Республика жана союздук көргөзмөлөрдүн катышуучусу.

Максимовдун эмгектери Кыргызстандын Г.Айтиев атындагы улуттук көркөм искусстволор музейинде жайгашкан.

СССР соода-өнөр жай палатасынын Ардак грамотасы, СССР ВДНХ сыйлыгы менен сыйланган.

1972-жылдан бери СССР сүрөтчүлөр союзунун мүчөсү.

Негизги эмгектери

А.Абакиров жана А.Комаровдун «Тоолордун симфониясы» китебинин көркөм дизайны. Ф.: «Кыргызстан». 1968.
Фрунзе шампан комбинатынын, Фрунзе мебель фабрикасынын, Токмак картон фабрикасынын товарлык белгилери. 1968.
Токгогулдун «Ленин жөнүндө ыр» сувенирдик басылмасынын дизайны. Ф.: «Кыргызстан», 1970.
Көркөм адабият үчүн шрифт долбоору. 1972. 
Техникалык адабият жана окуу китептери үчүн шрифт долбоору. 1972.
«Кыргыз китебинин сүрөтчүлөрү» китебине иллюстрациялар, мукаба, шрифт. Ф.: «Мектеп», 1972.
«Советтик Кыргызстан» фотоальбомунун дизайны (А. Осташев менен биргеликте). Ф.: «Кыргызстан», 1974.
«Ала-Тоо» шрифт долбоору. 1975.
А. Абакировдун «Кыргыз китебине 50 жыл» китебинин мукабасы, шрифти. Ф.: «Кыргызстан», 1976.
К. Молдобасановго ардак дарек. Б.: гуашь, 45x55. 1979.